EXPOSICIÓN: «Carteis para un histórico Folión de Carros» na Casa da Cultura de Chantada entre o 4 e o 30 de Agosto. Inclúe carteis dende o 2002 e carteis participantes no concurso deste ano. (Protocolo de prevención COVID-19).
CONCURSO DE ESCAPARATES DO FOLIÓN DE CARROS DE CHANTADA: En colaboración coa Asociación de Empresarios de Chantada e o CCA Ribeira Sacra. Inscripcións d@s participantes do 6 ao 10 de Agosto. Exposición do 13 ao 30 de Agosto.
CONVOCATORIA ABERTA A VECIÑANZA DE CHANTADA PARA ADORNAR OS BALCÓNS E FACHADAS DA VILA: Os adornos poden ser feitos como se considere mais axeitado e lembrando sempre os aspectos mais relevantes do Folión.
FOLIÓN DE CARROS NA SEMANA DO CINEMA: Homenaxe aos carroceiros/as. Do 11 ao 14 de Agosto na Praza do cantón. «Folión de carros de 1990», «Folión de carros de 1991», «Folión de carros de 1996» e «Timelapse do Folión 2019».
XORNADA INFANTIL DO FOLIÓN DE CARROS: mércores, 19 de agosto, na rúa Uxío Novoneira. Inscripción obrigatoria. Máximo 8 nenos/as por grupo de idade. (Protocolo de prevención COVID-19).
Carteis para un histórico Folión de Carros
Compartimos aquí esta magnífica fotomontaxe realizado por Alberto Paz, onde podedes gozar dun percorrido pola historia do Folión a través dos seus carteis. A exposición estará aberta durante todo o mes de agosto na Casa da Cultura de Chantada.
Comunicado de cancelación
A Asociación Cultural Amigos do Folión, despois de reunirse en asemblea os socios/as, carroceiros/as e representantes do Concello, lamenta comunicar a CANCELACIÓN DO DESFILE DO FOLIÓN DE CARROS 2020, previsto para o sábado, 22 de agosto.
Dadas as circunstancias e a evolución da situación de alerta sanitaria que estamos a vivir, trátase dunha decisión que tomamos desde a responsabilidade, seguindo as recomendacións da administración sanitaria, coa finalidade de non pór en risco a saúde dos participantes, veciños/as e visitantes.
Co fin de preservar o espírito do Folión, a Asociación traballará na realización, sempre que sexa posible, de pequenas actividades que, en ningún caso, leven aglomeración de xente e baixo o estrito cumprimento dos protocolos de prevención COVID-19.
Timelapse
Aquí tedes o Timelapse do Folión de Carros 2019, grazas á inestimable colaboración dun incansable carroceiro, Segundo Navaza Blanco. Podedes velo tamén na nosa canle de Youtube.
RESPONSABILIDADE E SOLIDARIEDADE.
Agora tócanos a nós tirar do carro.
#Sentidiño
