Novas
Folión de Carros 2019
O 24 de Agosto celebrouse o Folión de Carros de Chantada. Un total de doce carros tirados por xugadas de bois e vacas percorreron as rúas da localidade sen maiores complicacións. As rúas enchéronse de numeroso público para gozar un ano máis desta tradición, única no noso país.
III Xornada Infantil
O 20 de Agosto, celebrouse a Xornada Infantil sobre o Folión de carros de Chantada organizada pola asociación Amigos do Folión e levada a cabo por EspazoC e Velaísca. Na Praza de Santa Ana, nenas e nenos desfrutaron pintando o debuxo de Cristina Rodríguez, finalista do concurso do cartel do Folión deste ano.
III Xornadas Folión de Carros de Chantada
O día 17 de Agosto, no Auditorio Municipal, celebráronse as III Xornadas Folión de Carros de Chantada, que contaron coa presenza do catedrático en Antropoloxía Social e Cultural D. Honorio Velasco Maillo, diferentes relatores de Cantabria, León e Chantada e a actuación musical da Ronda "La Esperanza" de Requejo.
Presentación do Folión de Carros 2019
O hotel Mogay de Chantada acolleu o día 13 de Agosto o acto de presentación do Folión de Carros de Chantada. Contou coa asistencia do alcalde, Manuel Varela e do concelleiro de cultura, Manuel Diéguez, representantes da Deputación e da asociación Amigos do Folión. No acto presentáronse todas as actividades do Folión: a IV Foliada Carroceira, a Xornada Infantil, o desfile das xugadas, os xogos tradicionais e a mostra de artesáns. Déronse a coñecer tamén os distintos premios e galardóns que se entregarán o vindeiro día 24.
Reunión coas entidades colaboradoras co Folión
O mércores, día 1 de Agosto, tivemos unha xornada de convivencia coas entidades colaboras coa Asociación, DOMUS VI, Afachantada, Albores, ASDEME, Centro de Día e o Recuncho Solidario. Unha forma de rendir unha homenaxe a todos/as os usuarios/as e o seu traballo, que ano a ano, adornar o noso pobo e fan visible e extenden o espíritu do Folión de Carros entre a veciñanza.
Prsentación das II Xornadas do Folión de Carros
O día 8 de Xullo foron presentadas as III Xornadas do Folión de Carros que este ano levan o título "Etnografía, Patrimonio e Desenvolvemento na Ribeira Sacra, que se celebrarán o 17 de Agosto. O Auditorio Municipal acollerá tres mesas redondas sobre diferentes temáticas, a presentación dun documental realizado en 1983, e faráselles unha homenaxe aos fundadores da A. C. Amigos do Folión para conmemorar o seu 30 aniversario
Elección do cartel anunciador do Folión de Carros 2019
O deseño de Nerea Rodríguez Lage foi o elixido polo xurado para ser a imaxe do Folión deste ano. O deseño finalista foi o da alumna Cristina Rodríguez Rodríguez. En total, elaboráronse 46 traballos entre os alumnos dos dous Institutos do municipio, o Valdo Asma e a Lama dás Quendas.